登於 , Winy Ip

文:travel blogger flyingfifi
Fifi Airbnb 之初體驗
上年年尾經過密集式瘋狂event schedule...難得十二月擠到 weekend 4日假期出黎鬆一鬆, 就決定去FIFI久違了嘅東京!!年尾始終都係旅遊旺季...機票酒店價錢貴都在所難免,但竟然俾我用mileage 換到來回機票,真係好感動!!所以住宿方面,今次捨棄住日本又貴又細間房嘅酒店 試下 Airbnb !!
相信大家都對 Airbnb 都好熟悉, Airbnb 亦受一眾旅遊控/背包客嘅喜愛,能夠抵過住酒店又給你一個家嘅感覺。當然平啲就冇人24小時為你有服務,每日同你執房啦!  但身為旅遊控及慳妹性格嘅小妹我,當然唔介意呢啲野啦:) 
每一個Airbnb posting都會例明一啲資料,位置地區,住所入面會提供嘅日用品等...經過一啲research後,就訂左一間位於新宿嘅apartment.. 貪佢位置方便去邊都冇問題!! 
Check-in前一日,屋主會message你同你講如何check-in apartment! 有啲屋主會親自迎接你,但大部分都會預早放好係郵箱/密碼鎖等你自己去攞鎖匙。雖然我地都冇見過屋主,但呢個日本人屋主好好,除左教我地點由機場去之外,仲拍左一段片教我地點由車站行到去apartment! 認真細心!!
好順利地揾到屋企check-in ,間房同posting一模一樣!房間同浴室都好乾淨企利,而且仲有洗衣機添!! (P.S 注意:日本啲大厦嘅牆身堅 千祈唔好夜媽媽洗衫擾人清夢呀!)
不得不讚日本人屋主準備左portable wifi,係屋企同帶出街都好方便..最後一日,同屋主講左我地夜機可唔可以late check-out, 佢好快就覆左OK, 我仲有時間最後衝刺買手信添!
4日3夜住係新宿呢間apartment真係非常好,地點方便,搭JR去邊都好近,雖然鄰近歌舞妓町,但勝在附近好多餐廳食肆而且仲開到好夜,唔怕血拼完冇野食! 第一次日本Airbnb之體驗感覺非常好,真係要俾個LIKE!
(利申:這 真。感動 日本 Airbnb體驗 不是廣告)
.......................................................................................
AIRBNB POSTING: 

D-BED Room Free Wi-Fi 3min->STA

.......................................................................................
about the blogger
Fifi 與 Lala 兩姊妹,各有各做不同的工作,但就是要不停travel不停地飛!姊姊Lala 從事藝術,家品文具控一名,飛到那裡shop到那裡,精打細算但購買力驚人,就算到尼泊爾/外蒙古公幹也能夠買兩喼cashmere 托回家。妹妹Fifi 派對統籌一名,經常出入世界各地豪華Resorts,統籌大小宴會派對,對一切細節規劃執着⋯⋯ http://flyinglala.com

RECENTLY VIEWED



x

歡迎

登記即享5000積分

賺分及兌換 ★ MILES

$1
賺取
5
$1
兌換
10

賺取方式

  • 購買產品
  • 推薦朋友
  • 分享至社交媒體

了解我們的計劃