【遊記合集】抓住夏天的尾巴 | 蘇梅

文：V小編

V小編難得可以放假輕鬆下。。。。最後衝刺要趕住抓住夏天的尾巴！！！

去蘇梅島呢啲同陽光玩下遊戲嘅地方，係根本唔需要有任何planning。。。。最正莫過於坐係泳池邊hea住嘆個冰凍椰青「涼風輕輕吹⋯到俏然進了我衣襟⋯」真係好疏乎！！

小編每次去蘇梅都必定去位於 The Wharf 內嘅Sabeinglae Restaurant食飯，因為依間連鎖式泰國菜，絕對價廉物美！我地一行7人魚蝦蟹乜都叫哂埋單都只不過每人港幣100零蚊左右，而且仲要個個都捧住個肚走！呢間餐廳位置仲鄰近海邊，又靚又舒服！The Wharf 內仲有不同小店啱晒我哋食完散個步去血拼一下:D 

另外，餐廳旁邊有間spa。可以做返個堅正thai massage ，可以消化下之餘，人都精神爽利!   

今次旅程小編帶咗呢隻 LeMaurice Jewel  24" 行李喼， 4日3夜旅程放夏天衫褲鞋襪竟然綽綽有餘..…仲要拎咗隻超大吹氣浮床去泰國玩添喎。

雖然生長水遠拎到過去發覺周圍都有得買...但都無阻小妹興奮嘅心情^^）行李喼內櫳依然仲有好多位..完全仲有大把位再去BIG C掃零食返嚟添。

話說 V小編係潔癖控，好著緊自己用緊嘅嘢會花咗或者污糟咗！例如白色波鞋，電話，notebook，太陽眼鏡等。。。。 如果花咗或污糟咗小小都會唔開心成個禮拜 :(！。

SHK嘅朋友仔你哋有福了，因為原來任何喺 www.suitcase.hk 網站買嘅喼都可以勁平加購行李喼套。。。。好好保護你個喼，風吹雨打亦不怕啦！！！！:)