有趣分享。有買過我地硬喼嘅朋友仔都會知道，喼上面都有一個「扮」飛機寄艙行李嘅HKG行李tag。有一次有位好可愛嘅婆婆嚟pick up行李喼，可能我地個扮嘢行李牌設計像真度太高，佢堅決話我地賣隻用過嘅喼比佢，經過一番唇舌加上後來佢見到另一位客人嗰隻喼都有個tag先相信我地，好搞笑。好多時候我地見到啲return customer 再介紹佢姨媽姑姐嚟買，就嚟見晒佢屋企人，我地都覺得好似變左鄰右里咁。就算依幾日我地做到凌晨2點幾3點，但係每次諗返客人話好用到佢已經係第三、四次嚟買，我地辛苦得嚟都值得㗎。
